ఒంటరి

చుట్టూ పదిమందున్నా
నీతో కబుర్లు చెప్పే వారు లేకపోతె
తెలుసుకో నేస్తం నువ్వు ఒంటరివే అని

మనసుకి కష్టం వస్తే
పంచుకోటానికి పక్కన ఎవరూ లేనప్పుడు
ఉన్నా, నీ బాధ పంచుకోలేనప్పుడు
నువ్వు ఒంటరివే నేస్తం

అమ్మా నాన్నా
అక్కా చెల్లి
నీ జీవితాంతం నీ తోడు ఉండలేకపోవచ్చు
కానీ, నిన్ను ప్రేమించేవారు నీకు తోడు లేకపోతె
నువ్వు ఒంటరివేరా నేస్తం

స్నేహమైనా ప్రేమైనా
ఇరువురిలోను ఉంటేనే అది గెలుస్తుందిరా
రెండు చేతులు జోడిస్తేనే చప్పట్లు
రెండు మనసులు దగ్గరైతేనే బంధం
ఆ స్నేహం, ప్రేమ, ఉంటేనే
మనిషి సంతోషంగా ఉండగలడు
ఏ కష్ట నష్టాలనైనా ఎదిరించగలడు