వీర సైనికా వందనం

   సౌర్య కీర్తి  ---  జాతి స్ఫూర్తి  

మీ బుల్లెట్ల  వర్షం  తొలకరి  జల్లు లా ప్రారంభమై , 

పెను తుఫాను లా మారి , 

ప్రళయ  మారుతము  గా 

సరిహద్దు  శత్రువులను 

చుట్టు ముట్టి,

తరిమి కొట్టి,

భారతీయులపై  కురిపించాయి  

విజయ మల్లెల  వర్షం. 

పెల్లుబికింది  మీ పట్ల అంతటా  హర్షం . 

వర్షం వెలిసిన తరువాత  వీచే 

ఈదురు  గాలులలో ఎగురుతోంది  

ఎగురుతోంది మువన్నెల  జెండా, 

అనంతమైన  ఎత్తులో  

అశేష  హిమాలయా పర్వతాల మీద 

మ్రోగిస్తూ  విజయ దుందుభి, 

 శిఖరాగ్రము ఫై  తల ఎత్తి సగర్వం గా, 

మిల, మిలా  మెరుస్తూ  ,

అందరు  యోధుల  విజయానికి  సంకేతము లా ,

మరెందరో  యోధుల  త్యాగానికి ఫలితం లా ,

దేశ మంతటా విజయోత్సావాలు  వెల్లి విరుస్తుంటే  ,

తల్లీ భారతి 

ఏమిటమ్మా నీ కళ్ళలో  నీళ్ళకు అర్థం మన వీర సైనికుల సౌర్యము  అనిర్వచనియము. ,

పరాక్రమము  అత్యద్భుతం  ,

త్యాగం  చిర స్మరణియమ్  ,

శత్రువులను తరిమి కొట్టి మన జాతి  గౌరవాన్ని  ,

మన దేశ ప్రతిష్టను కాపాడిన   

ఇలాంటి  వీరులను కన్నందుకు  

కళ్లలొ కలిగిన  ఆనంద భాష్పాలా,

లేక  

వీర పరాక్రమము  తో యుద్ధము లో 

దేశ రక్షణ  కై  ,  

అశువులు బాసిన  

వీర యోధుల త్యాగానికి అశ్రు తర్పణమా  ......

మన దేశ రక్షణ కై పోరాడే ప్రతీ వీరునికి 

వినమ్రము గా  వందనము  చేస్తూ  

ఈ కవితను  అంకితమిస్తున్నా